අද කාලේ තියන එක එක ජාතියේ ලෙඩ දැක්කම හිතෙනවා ජීවත් වෙන එකත් හරි කරදරකාරී, අසහනකාරී ,වේදනාවක් කියල.ඒකට හේතුව අද කාලේ අහන දකින ලෙඩ නිසා සමාජයේ ජීවත් වෙන බහුතරයක් දෙනෙක් පීඩා විඳින නිසා.අසනීපයක් හැදුනම ඒ හේතුවෙන් එල්ලවෙන තවත් අතුරු බලපෑම් ගැන දන්නේ අසනීපයක් හැදිලා දීර්ඝ කාලයක් ඒකෙන් පීඩා විදපු මනුස්සයෙක්ම තමයි.අද කාලේ ජීවත්වෙන මිනිස්සු හරිම කාර්යබහුලයි,හරි හැටි ව්යායාමයක් කරන්නේ නෑ.මානසිකමය වශයෙන් දැඩි ආතතියකින් හැමවෙලාවෙම කටයුතු කරන්නෙ... මේ හේතු නිසා සමාජයේ ජීවත්වෙන බහුතරයක් දෙනෙක් නිතර නිතර අසනීප වෙනවා,එහෙමත් නැත්තන් මොකක්රි හරි දීර්ඝකාලීන ලෙඩක් එක්ක පොර බදිනවා.මේක තමා යතාර්ථය.
නමුත් හුගදෙනෙක් නොදන්නා පොඩි කතාවකුත් තියනවා.ඔය කලින් කියපු නිතර නිතර අසනීප වෙන ගොඩක් මිනිස්සු අතරේ මෙන්න මෙහෙම කොටසකුත් ඉන්නවා.ඒ තමයි මෙන්න මේ අය.මේ උදවියට තියන අසනීපවලට කොච්චර බෙහෙත් ගත්තත් ලෙඩේ නම් හොද වෙන්නේ නෑ.දොස්තර මහත්තය ලගට ගිහාම දොස්තර මහත්තය කියන දේ තමයි "ඔයාට එහෙම මොකුත් අසනීපයක් නෑ". හැබැයි දොස්තර මහත්තය කොහොම කිව්වත් අසනීපෙ තියන කෙනාගේ අසනීප තත්වෙනම් අඩුවක් වෙන්නෙම නෑ.ඒ දොස්තර මහත්තය හොද නෑ කියල වෙන දොස්තර මහත්තයෙක් ලගට යනවා.ඒ දොස්තර මහත්තයාගේ බෙහෙත් වලටත් සුවයක් නැති තැන තවත් දොස්තර මහත්තයෙක් ගාවට යනවා.කවුරු ලගට ගියත් අසනීපෙ අමාරුව නම් තවම තියනවා.මේ හේතුව හින්ද හැම වෙලාවේම හිතේ කනස්සල්ලයි,දොස්තර මහත්තුරු ගාවට නිතර නිතර ගිහින් බෙහෙත් වලට කරන වියදමයි,කාලය කැපකරන එකයි ඔක්කොම බැලුවම අසනීපෙ නිසා ලොකු ප්රශ්න ගොඩකට මුණ දෙන්න වෙලා.ඒ අතරේ පවුලේ අයත් එක්ක ගත කරන්න තියන කාලේ අපතේ ගිහින්,කරන්න සැලසුම් කරපු වැඩ ඔක්කොම අතරමග නතරවෙලා,පවුලේ අනික් සාමාජිකයෝත් මේ අසනීපෙ නිසා සෑහෙන්න මානසිකව කඩා වැටිලා කරකියාගන්න දෙයක් නැතුව කල්පනා කරනවා කොහොමද මේ අසනීපෙ හොද කරගන්නේ කියල.මේ ඔක්කොම අතරේ බාහිර උදවියගේ අදහස් යෝජනා හින්ද එක එක ජාතියේ ප්රතිකාර හොයාගෙන රට වටේ යනවා.මන්තර ගුරුකම්,පුද පුජා,බලි තොවිල්,.. මේ හැම එකක්ම කරන්නේ තමන්ට තියන අසනීපෙන් කොහොම හරි ගොඩ එන්න ඕනි නිසා.හැබැයි ඉතින් ඔය කෝක කරත් ටික දවසකින් අයෙත් අර පරණ අසනීපෙම මතුවෙනවා.එහෙම නැත්තන් ඒකට සමාන හරි, ඒකට ලඟින් යන හරි ලෙඩක් මතුවෙනවා.
අයෙත් පරණ තත්වෙටම වැටිලා පුදුම අසහනේකින් කාලෙ ගතකරනවා.
මෙන්න මේ තත්වය මනෝවිද්යාව ඇතුලේ අපි කියනවා "කාය රූපික අක්රමිකතාවය" කියල.එහෙමත් නැත්තන් Somatoform Disorder කියල.මේක සාමාන්ය මානසික අසනීපයක් මිසක් මහා ලොකුවට බය වෙලා දගලන්න අවශ්ය තත්වයක් නෙවෙයි.මේ අසනීප තත්වය නිසා අසනීපෙන් පෙලෙන කෙනාට එක එක විදිහේ කායික අපහසුතා දැනෙන්න ගන්නවා.ඒකට හේතුව පොත්පත් වලින් එක එක අසනීප ගැන දැනගන්න තොරතුරු,තවත් එක එක ක්රමවලින් අසනීප තත්ත්ව ගැන අහල, බලල ඉගන ගන්න දේවල් වගේ විවිධ හේතු බලපානවා.ඉතින් පොඩි හරි වෙනසක් දැනුන ගමන් ඕන්න ඉතින් තමන් අර අහල,බලල දැනගත්ත දැනුමත් එක්ක තමන්ට දැනෙන වෙනසත් සංසන්දනය කරලා බලන්න පෙළබෙනවා.එතකොට ඉතින් නැති ලෙඩ හැදෙන එක අහන්න දෙයක් නෑනේ.හැබැයි ඉතින් මේ ඔක්කොම ලෙඩ හැදෙන්නේ කය මූලික වෙලා නෙවෙයි.තමාගේ හිත මූලික වෙලා.ඉතින් මේ වගේ වෙලාවක කරන්න තියන හොදම දේ තමා දොස්තර මහත්තුරු හොයාගෙන රට වටේ ගිහින් කාලයයි,මුදලයි,ශ්රමයයි නාස්ති කරගන්නේ නැතුව නිවැරදි අවබෝධයෙන් කටයුතු කරන එක.එහෙම කියල හිත හදාගන්න අමාරුම නම් කරන්න තියන හොදම වැඩේ තමා සුදුසුකම් ලත් ,පළපුරුදු මනෝ උපදේශකයෙක් මුණගැහෙන එක. එහෙම වුනොත් හරියටම ඔබේ ප්රශ්නෙට විසදුම හොයාගන්න පුළුවන්.හැබැයි හොදට මතක තියාගන්න මනෝ උපදේශක ඔබට පවරන ගෙදර වැඩ උනන්දුවෙන් කරන්න.මොකද ඔබේ උනන්දුව සහ කැපවීම මත තමයි ඔබ ඉන්න අපහසු තත්වයෙන් ගොඩ එන්න පුළුවන් වෙන්නේ.
